अजय मण्डल
विराटनगर। कोशी प्रदेशको राजधानी विराटनगर स्थित रहेको गोल्डेन अस्पताल १४औं वर्षमा प्रवेश गरेको छ ।
विराटनगर–११ स्थित महेन्द्र चौक भन्दा पश्चिम तर्फ आफ्नै सुविधा सम्पन्न भवनमा सञ्चालनमा रहेकाे अस्पतालले दक्ष विशेषज्ञ डाक्टरहरुबाट सबै प्रकारका रोगको सस्तो, सरल तथा सुलभ दररेटमा उत्कृष्ट उपचार सेवा प्रवाह सँगै विद्यार्थीहरु लाई अध्ययन गराउने कलेज सञ्चालनमा ल्याउनु गोल्डेन अस्पतालको १४ वर्षको महत्त्वपूर्ण उपलब्धिको रूपमा चित्रण गरिएको छ ।
गोल्डेन अस्पतालका सञ्चालन एवं अस्पताल सञ्चालक समितिका अध्यक्ष आरती रौनियार, सञ्चालक डा. श्याम रौनियार र सनातन मण्डलले आइतबार केक काटेर १४औं वार्षिकोत्सव केक काटेर मनाएका छन्।
डा. श्याम रौनियार र आरती रौनियार श्रीमान् श्रीमती हुन् । विराटनगर–७ स्थित अस्पताल चौकको सानो नर्सिङ होमबाट सञ्चालनमा आएको गोल्डेन अस्पताल अहिले १४औं बर्षमा आई पुग्दा यतिखेर विराटनगर–११ को महेन्द्र चौक पश्चिममा आफ्नै सुविधा सम्पन्न भवनबाट सेवा प्रदान गरिरहेको छ।
विराटनगरको नोबेल अस्पताल, विराट नर्सिङ होम र विराट टिचिङ अस्पतालको तुलनामा गोल्डेन अस्पतालमा सबै प्रकारका रोगको सस्तो तथा सुलभ दररेटमा दक्ष विशेषज्ञ डाक्टरबाट उत्कृष्ट उपचार सेवा प्रवाह गरिरहेको छ ।
विराटनगरको गोल्डेन अस्पतालमा ४० प्रतिशतको हाराहारीमा भारतको विहार, उत्तर प्रदेश र पश्चिम बंगालबाट बिरामी उपचारका लागि आइरहेका छन् । गोल्डेन अस्पताल विदेशी मुद्रा भित्र्याउने विराटनगरको निजी क्षेत्रको ठुलो अस्पताल समेत हो ।
गोल्डेन अस्पतालले पछिल्लो समय मोटो रकम खर्चेर नेपालको ख्याति प्राप्त दक्ष विशेषज्ञ डाक्टर भित्र्याएका छन् । र ती दक्ष विशेषज्ञ डाक्टर मार्फत सबै प्रकारका रोगको उत्कृष्ट उपचार सेवा प्रवाह गर्न लागि परेका छन् । १०० सैंयाको गोल्डेन अस्पतालमा विराटनगरकै सबै भन्दा उत्कृष्ट सुपर स्पेसियालिटी टिम, सर्वश्रेष्ठ ट्रमा, न्यूरो तथा आर.टी.ए. म्यानेजमेन्ट टिम छन् ।
स्वास्थ्य सेवामा नवीनतम प्रविधि अपनाउँदै कृतिम बुद्धिमत्ता, एकीकृत १९२ स्लाइस, सिटी स्क्यान, एमआरई, मोड्युलर ओटी, एड्भान्स आइसीयू, एनआइसीयू, एचडीसीयू जस्ता आधुनिक प्रविधिहरू गोल्डेन अस्पतालहरू सँग छ । गोल्डेन अस्पतालले १३ वर्षदेखि निरन्तर मृगौला रोग विशेषज्ञ टिमबाट सेवा प्रवाह गरिरहेका छन्।
यस बाहेक ल्याप्रोस्कोपिक, कोलेसिस्टेवटोमी (पित्तथैली शल्यक्रिया) प्याकेज मेडिसिन, बेड, अनेस्थेसिया लगायतका सम्पूर्ण उचार सेवा ३९ हजार ५ सयमा उपलब्ध गरिरहेको छ । गोल्डेन अस्पतालले २०८१ मंसिर २१ गतेदेखि सिटिइभीटीबाट अनुमोदन प्राप्त कलेज सञ्चालन गरी डिप्लोमा इन फार्मेसी, पीसीएल नर्सिङ र पीसीएल जनरल मेडिसिनको कक्षा सञ्चालन गरिरहेका छन् । गोल्डेन अस्पतालका सञ्चालक डा. श्याम रौनियारले सुविधा सम्पन्न अस्पतालबाट दक्ष विशेषज्ञ डाक्टर मार्फत सबै प्रकारका रोगको उत्कृष्ट उपचार सेवा प्रवाह भइरहेको बताए ।
