०७ बैशाख २०८२, आइतबार
20-04-2025 , Sun
×

ईसेवामा अब व्यक्तिगत र मर्चेन्ट अकाउन्ट एउटै एपबाट प्रयोग गर्न सकिने

Logo
नमो अनलाईन प्रकाशित बिहिबार, भाद्र १३, २०८१

तस्विर : नमो अनलाईन

काठमाडौं । डिजिटल वालेट ईसेवाले आफ्ना मर्चेन्टका लागि नयाँ सेवा ल्याएको छ । मर्चेन्टको आवश्यकतालाई मध्यनजर गर्दै कम्पनीले हालै एउटै एपमा व्यक्तिगत र मर्चेन्ट अकाउन्ट लिङ्क गर्न सकिने सुविधा ल्याएको हो ।

यसअघि व्यवसायीले आफ्नो व्यवसायको मर्चेन्ट अकाउन्टका लागि छुट्टाछुट्टै लगइन/लगआउट गर्नुपर्ने अवस्था थियो । एउटा अकाउन्ट लगआउट नगरी अर्को अकाउन्ट लगइन गर्न नसकिने अवस्था थियो । अब भने मर्चेन्ट लिङ्क सेवा प्रयोग गरेर एउटै एपमा मर्चेन्ट र व्यक्तिगत ईसेवा अकाउन्ट प्रयोग गर्न सकिन्छ ।

यस मार्फत प्रयोगकर्ता तथा मर्चेन्टहरूले सजिलै आफ्ना भुक्तानी र कारोबारको निगरानी एउटै एपबाट गर्नसक्ने कम्पनीले जनाएको छ । त्यसबाहेक भुक्तानीको जानकारी सोही एपको नोटिफिकेसन मार्फत पाउन सकिनेछ । आफ्नो मर्चेन्ट खातामा भएका फोनपे क्यूआर मार्फत हुने कारोबार पनि सोही एपबाट लिन सकिने छ ।

त्यसका साथै मर्चेन्ट अकाउन्टमा लिङ्क गरिएको सेटलमेन्ट बैंक खाताबाट सरल रूपमा पैसा निकाल्न सकिने सुविधा उपलब्ध छ ।

“यो नयाँ सुविधा व्यवसायीहरूलाई वित्तीय व्यवस्थापनमा थप सहजता र समयको बचत गराउनेछ,” ईसेवाका चिफ बिजनेस अफिसर आशिष गौतमले भने ।

कसरी लिङ्क गर्ने ईसेवा एपमा मर्चेन्ट अकाउन्ट र व्यक्तिगत अकाउन्ट ?

ईसेवामा मर्चेन्ट अकाउन्ट बनाउँदा ईसेवा आईडी वा बैंक अकाउन्टलाई सेटलमेन्ट अकाउन्टका रूपमा राख्नुपर्ने हुन्छ । तपाईंले सेटलमेन्ट अकाउन्टमा बैंक अकाउन्ट राख्नु भएको छ भने एपमा मर्चेन्ट अकाउन्ट लिङ्क गर्नका लागि ( [email protected]) मा ईमेल पठाउनु पर्ने हुन्छ ।

त्यसबाहेक ईसेवाको टोल फ्रि नम्बरमा सम्पर्क गर्न सक्नुहुन्छ । त्यसपछि ईसेवाको टिमले नै तपाईको विवरण अद्यावधिक गर्छ । तर, सेटलमेन्ट अकाउन्ट ईसेवा आईडी राख्नु भएको छ भने तलको प्रक्रिया अपनाएर मर्चेन्ट र व्यक्तिगत अकाउन्ट लिङ्क गर्न सक्नुहुन्छ ।

  • सबैभन्दा पहिले ईसेवा खोल्नुहोस् ।

  • त्यसपछि तल दायाँपट्टि रहेको चार ओटा बक्सको आइकनमा ट्याप गर्नुहोस् । अनि लिङ्क मर्चेन्ट अकाउन्ट भन्ने अप्सन देखिन्छ । त्यसैमा ट्याप गर्नुहोस् ।

  • यति गरिसकेपछि त्यहाँ तपाईंको मर्चेन्ट अकाउन्टको विवरण राखिएको देखिन्छ ।

  • अनि मर्चेन्ट अकाउन्ट छानी तलपट्टि रहेको टर्म्स अफ सर्भिस (Terms of service) को अप्सन मार्क गर्नुहोस् ।

  • र, ‘कन्टिन्यु’ (Continue) को बटन ट्याप गर्नुहोस् ।

  • यति गरेपछि एसएमएस मार्फत भेरिफिकेसन गर्ने पेज खुल्छ । त्यसमा ‘प्रोसिड टु सेन्ड एसएमएस’ (Proceed to Send SMS) को बटनमा ट्याप गर्नुहोस् ।

  • यसपछि तपाईंको मेसेज एप खुल्छ । उक्त मेसेज बक्समा एउटा कोड टाइप भएको हुन्छ । तपाईंले उक्त कोडसहित मेसेज पठाउनुपर्ने हुन्छ ।

  • मेसेज पठाइसकेपछि तपाईंको मेसेज बक्समा ओटीपी कोड आउँछ । उक्त ओटीपी कोड तपाईंले ईसेवा एपमा गई राख्नुपर्ने हुन्छ ।

  • कोड राखेर भेरिफाई एन्ड प्रोसिड (Verify and Proceed) को अप्सनमा जानुहोस् ।

  • यति गरेपछि तपाईंको अकाउन्टमा मर्चेन्ट अकाउन्ट लिङ्क हुन्छ । तपाईंले आफूलाई आवश्यकता अनुसार व्यक्तिगत अकाउन्ट र मर्चेन्ट अकाउन्ट स्विच गरेर प्रयोग गर्न सक्नुहुन्छ ।

कमेन्ट गर्नुहोस्
सम्बन्धित
हिन्दू समाजको शोभायात्रालाई बिभिन्न ठाउँमा कस्ले गर्छ अवरोध

काठमाडौं । हिन्दू समाजको धार्मिक शोभायात्रामा अवरोधका घटना बढेका छन् । ३० चैत्रमा वीरगञ्जमा हनुमान जयन्तीका बेलामा भएको अवरोधले स्थिति असामान्य नै बन्यो । छपकैया पुगेपछि मदरसाबाट ढुंगा प्रहार भयो । यसलाई इस्लामिक संघ नेपालले पनि स्वीकारिसकेको छ । शोभायात्रा जहाँ स्थगित भएको हो त्यहींबाट पुनः सुचारु हुनुपर्ने हिन्दू राष्ट्र जागरण अभियानको माग रहेको छ […]
कोशी प्रदेशमै पहिलो पटक भूमिहीनलाई निःशुल्क जग्गाधनी प्रमाण–पुर्जा वितरण

सुनसरी । देवानगञ्ज गाउँपालिकाले “खुसी किसान, देवानगञ्जको पहिचान” भन्ने नारा सहित भूमिहीन दलित तथा भूमिहीन सुकुम्बासीहरूलाई लक्षित गरी निःशुल्क जग्गाधनी प्रमाण–पुर्जा वितरण कार्यक्रम सम्पन्न गरेको छ। नेपालमा दोस्रो र कोशी प्रदेशमा पहिलो पटक स्थानीय तहको रूपमा देवानगञ्ज गाउँपालिकाले वडा नं. ३ का छ जना भूमिहीन सुकुम्बासीहरुलाई निःशुल्क जग्गाधनी प्रमाण–पुर्जा वितरण गर्दै कार्यक्रम सम्पन्न गरेको हो। […]
सहकारी नियमन गर्दै देवानगञ्ज गाँउपालिका

सुनसरी। देवानगञ्ज गाउँपालिकाले सहकारी संस्थालाई नियमन अभियान सञ्चालन गरेको छ । सहकारी संस्था विधिसम्मत सञ्चालन भए नभएको, उदेश्य अनुसारको काम गरे नगरेको, व्यवस्थित रुपमा संचालन गरे नगरेको अनुगमन गरी कैफियत देखिएका सहकारी संस्थालाई कारबाहीको चेतावनी दिएको प्रमुख प्रशासकीय अधिकृत सुधिर साफिले बताउनुभयो। देशभरका सहकारीहरुमा विकृति बढ्दै गईरहेको वेला देवानगञ्ज गाउँपालिकाले आफ्नो अधिकार क्षेत्रभित्र पर्ने सहकारीहरु […]