तस्विर : अजय मण्डल/नमो अनलाईन
साहेवगञ्ज । सुनसरीको देवानगञ्ज गाउँपालिका ५ नं. वडा कार्यलयको आयोजनामा नेपालीहरुको महान चाड शुभ दिपावली तथा छठ पर्वको अवसरमा साहेबगञ्जमा शुभकामना आदान प्रदान कार्यक्रम सम्पन्न भएको छ ।
सुनसरी क्षेत्र नं. २ बाट निर्वाचित संघिय सांसद तथा कोशी प्रदेशका पुर्व मुख्यमन्त्री भिम आचार्यको प्रमुख आतिथ्यमा सम्पन्न भएको हो ।
कार्यक्रममा बोल्दै प्रमुख अतिथि आचार्यले सम्पुर्णमा सुख शान्ति समृद्धिको कामना गर्नु भएको थियो। हाम्रो धर्म, संस्कृति, परम्पराको संरक्षण गर्दै अगाडि बढ्ने कुरामा जोड दिएका थिए । धर्म, संस्कृति हाम्रो पहिचान भएकोले यस्को सबल पक्षहरुको प्रचार प्रसार गरी अन्तरराष्ट्रीय जगतमा पुर्याउनु पर्ने बताएका थिए । मैले जितेर जाँदा यस क्षेत्रको बिकासको निमित्त सदैव अग्रसर रहेको समेत बताएका थिए ।
त्यस्तै कार्यक्रमको बिशिष्ठ अतिथि सुनसरी क्षेत्र नं. २ ख बाट निर्वाचित कोशी प्रदेश सभा सदस्य तथा निवर्तमान कृषि राज्य मंत्री रामप्रसाद मेहताले सबै हिन्दू धर्मावलम्बीहरुमा शुभ दिपावली तथा छठ पर्वको शुभकामना व्यक्त गरेका थिए । दिपावली सम्पुर्ण नेपालीहरुको साझा पर्व भएकोले हर्सो उल्लासका मनाउन आग्रह समेत गरेका थिए । एक आपसमा भाईचारा कायम गरी मनाउन समेत आग्रह गर्नु भयो ।
देवानगञ्ज गाउँपालिका वडा नं. ५ का वडाध्यक्ष मनोज कुमार मण्डलको अध्यक्षतामा सम्पन्न भएको उक्त कार्यक्रममा बिभिन्न राजनीतिक दलका प्रतिनिधि, कर्मचारी, समाजसेवी, बुद्धिजीवि लगायत स्थानीय वासीहरुको बाक्लो उपस्थिति रहेको थियो ।
